ملاحظات عن أبوك و أمك :
2- أبوك ماتخلقش شخص تعيس وكئيب ، زمان كان بيضحك ومبسوط لحد ما أتجوز و خلفك ، المسئولية كبيرة -هتحس بيها لما تخلف-
3- أبوك مش بخيل ، ومش بيغير منك علشان أنت عاوز تجيب بنطلون جديد أو قميص ، هو بس فلوسه خلصت ، أفتكر كده أخر مرة هو أشترى حاجة فيها لنفسه ؟؟!!
4- مش أبوك ولا أمك الى حددوا سرعة الرادار 90 ، وده مش خوف على نفسهم وهما راكبين العربية معاك ، هما عادى بالنسبالهم لو ماتوا -خايفين عليك أنت-
5- هما مش ساديين و لابيحبوا يعذبوك ويتحكموا فى حياتك ، هما بس بيحلموا بمستقبل ليك أحسن من حاضرهم وخايفين تكرر اخطائهم.
6- لو أنت كبرت فأبوك و أمك صغروا و ضعفوا ، ده مش وقت أنت تغيرهم فيه ، ده وقت تأخد بالك فيه منهم و ترد فيه الجميل.
7- دلعهم ، تخيل أمك صحبتك ، بثمن دبدوب من دباديب الفلانتين أعزمها بره على حاجة ، أمك مش هتتنطط عليك زى صحبتك ، لو شربتها عصير قصب على الواقف هتشكرك و تفرح فرحة صحبتك لو سافرت بيها باريس.
8- لو أشتغلت أدى ﻷبوك حاجة من مرتبك أو جيبله هدية ، حتى لو أبوك مليونير ، هيفرح أن طفله بقى شحط كبير ومعاه فلوس و بيجبله هدايا و فلوس.
9- عمرك شفت حد ربنا كرمه فى حياته و أمه مش راضية عنه ؟!! رضا أمك يديك الدنيا قبل اﻷخرة .
10- ذلك ﻷبوك و أمك يرفعك فى الدنيا و اﻷخرة ، الرجولة بتبدى عند رجل أبوك.
11- أحضنهم وقولهم أنك بتحبهم - ولادك هيعملولك كده لما تكبر-
الإبتساماتإخفاء